Samje te Samajdaar

મિત્રો, નવા વર્ષની શરૂઆતનો આ પ્રથમ બ્લોગ લખવાની આજે ઈચ્છા થઇ, ૨૦૨૦ માં ઘણું જોયું અને જ્વાળામુખી ફાટ્યા બાદ એનાં અંગારા ચારેબાજુ દઝાડતા રહે એમ ૨૦૨૦ નાં અંગારા આજેય ૨૦૨૧માં  આસપાસ લોકોને દઝાડતા દેખાય છે. દરેકના ચહેરા હસે છે પણ મન રડે છે, નાં છુટકે મોઢું હસતું રાખી કેમ છો મજામાં ? પૂછે છે, કામકાજ ક્યારે સારા થશે એની આશાએ બીજા ક્યા કામ કરવાથી પગભર સરભર થવાય એનાં રોજ નવા નવા વિચારો કરે છે, ગાડી ક્યારે પાટે ચઢશે એના વિચારમાં ચાલતી ગાડી અટકીને પડી ન જાય એની સંભાળ પણ રાખે છે.  બધા રોજ સવારે ઉઠે છે સમય સાથે લડે છે અને સાંજે ભગવાનને પ્રાર્થના કરે છે કે "આવતી કાલ સારી દેખાડજે પ્રભુ." પ્રગતિ કોને ન ગમે,  જિંદગી માં દરેક વ્યક્તિ સફળ થવા માંગે છે. કોઈ ને ઓછી ઉમર માં સફળતા મળી જાય છે તો કોઈ લાંબા સમય સુધી સફળ નહીં થઈ શકતા. આટલું જ નહીં કેટલા ને તો સફળ થવામાં આખી જિંદગી નીકળી જાય છે.   પણ. નસીબથી વધારે અને સમયથી પહેલા નાં કોઈને મળ્યું છે અને નાં કઈ મળવાનું છે. આ વાત તો વિધિ લિખિત છે અને રહેશે જ. ગમે તેટલો સંઘર્ષ કરો પણ નસીબનો સાથ વધુ નહિ પણ થોડો તો અવશ્ય જોઈએ જ. એક નાનકડી વાર્તા ...

 મિત્રો,   ૨૦૨૦ વર્ષનાં છેલ્લા બે દિવસો બાકી રહ્યા છે અને આ બે દિવસો પણ કેમ જલ્દી નીકળે અને વર્ષ ૨૦૨૧ એક નવી જ આશા અને ઉત્સાહ સાથે ફરી ધમધમતું થાય એવા વિચાર સાથે ૩૧ ની ઉજવણીની તૈયારી કરતાં લોકોને ૨૦૨૦ ને "આવજો" કહેવાનું પણ મન નથી થતું. કેમકે વીતેલા વર્ષમાં દરેક લોકો પર શું શું વીતી છે એ તો દરેકના મન જાણે, મોઢું હસતું રાખીને જીવતા લગભગ બધાને આવડી ગયું છે. મોંઘવારી કોને કહેવાય એ સમજાઈ ગયું છે અને બિનજરૂરી ખર્ચાઓ ક્યાં ક્યાં થતાં હતા એ પણ દેખાઈ ગયું છે. અને હવે થોડામાં ઘણું કેમ જીવાય એ આવડી ગયું છે. કંઈક ખૂટે તો ય એના વગર ફાવી ગયું છે.                          આ છેલ્લા દિવસોમાં મને વર્ષ ૨૦૨૦ નો જ ભેટો થઇ ગયો એકલો અટૂલો દરિયા કિનારે બેઠો હતો, મેં એને જોઈ મોઢે માસ્ક બરાબર ચેક કર્યું ખિસ્સામાંથી સેનેટાઈઝર કાઢી હાથ બરાબર સાફ કર્યા અને ધીમા પગે વર્ષ ૨૦૨૦ ની નજીક ગયો, ઉદાસ ચહેરે ગુમસુમ દરિયાના મોજાને આવતા અને જતા જોઈ રહ્યો હતો મેં પૂછ્યું  લેખક : શું ભાઈ ૨૦૨૦, આમ અહિયાં દરિયા કિનારે ? તારે તો અત્યારે જલસા છે બાપ...

  મિત્રો,  આખરે લગભગ નવ મહિનાનાં બ્રેક બાદ રંગભૂમિ પર ફરી ત્રીજી બેલ વાગી, આંગીકમ ભુવનમ યસ્ય નો શ્લોક ગુંજ્યો  અને પડદો ઉઘાડ્યો, અને નાટક "કરસનદાસ કોમેડીવાળા" , બોરીવલીના પ્રબોધન ઠાકરે નાટ્યગૃહમાં ભજવાયું. અસંખ્ય કલાકારો કે જે આ લોકડાઉનમાં એક યા બીજી રીતે સંજોગો સામે લડી રહ્યા હતા એમણે રાહતનો શ્વાસ લીધો અને સાથે જ કોરોનાકાળમાં અનેક મુસીબતોનો સામનો કરતા મનોરંજનને સાવ ભૂલી ગયા હતા એવા પ્રેક્ષક દેવતાના મોઢે ફરી હાસ્ય દેખાયું. બસ આવા જ હાસ્યસભર દિવસો ફરી શરુ થાય. અને શો મસ્ટ ગો ઓન નાં સૂત્ર સાથે નાટકો માત્ર  મુંબઈ અને ગુજરાત ખાતે જ નહિ સમગ્ર  દેશમાં અને વિદેશમાં પણ ભજવાતા જ રહે. મુંબઈના રંગમંચ પ્રોડક્શન સર્જિત ઈમ્તિયાઝ પટેલ લિખિત , નિર્માતા આસિફ પટેલનું નાટક " કરસનદાસ કોમેડીવાળા" અને એમની બાહોશ કલાકાર ટીમ આશિષ ભટ્ટ, જયદીપ શાહ, પીન્કી જૈન અને ટીમ દ્વારા અભિનયના અજવાળા પાથરતાં ફરી પ્રેક્ષકોએ લોકડાઉન કાળ ભૂલી લાફ્ટરકાળ એન્જોય કર્યો.  મુંબઈમાં નાટકની ભજવણી વખતે રંગભૂમિનાં દિગ્ગજો કૌસ્તુભ ત્રિવેદી, સંજય ગોરડીયા, ઉમેશ શુક્લા, ઈમ્તિયાઝ પટેલ, પ્રતાપ સચદેવ, ભરત ઠક્કર, ક...

 મિત્રો,   સમયને માન આપતી આ મોહમયી મુંબઈ નગરીમાં સાક્ષાત સમય પણ જો સદેહે સામે  આવે તોક્યાંય સમય પર ન પહોચી શકે, કેમકે મુંબઈમાં સમય પર પહોચવું એ ચંદ્ર પર પહોચવા કરતા પણ અઘરું છે. કેમકે ગમે ત્યારે ગમે ત્યાં એક જ સમસ્યા નડે અને એ છે ટ્રાફિક.  યસ, આજે ટ્રાફિક વિષે થોડોક શબ્દોનો ટ્રાફિક જ્માવીએ. આમ તો મુંબઈમાં દરેક જગ્યાએ પહોચવા સરસ મજાની સુવિધા છે, જે ગલી,રોડ, રસ્તો તમને ન ખબર હોય એ ગુગલમેપની ગગલીને ખબર હોય, મેપ માં એડ્રેસ નાખો કે એ તમને સમય પણ કહી આપે કે તમે કેટલા સમયમાં નિશ્ચિત સ્થાન પર પહોંચી શકશો. પણ હા એ સમય સમયાંતરે બદલાતો રહે કેમકે ગુગલને પણ સેટેલાઈટમાંથી રોડ પરના ટ્રાફિકની હાઈલાઈટ દેખાતી હોય છે અને તમે સ્કુટર પર હો તો ધીમે ધીમે અળસિયાની જેમ આગળ વધતા જાઓ અને જો પોતાની ગાડીમાં હો તો ટ્રાફિકમાં ગાડીના માલિક હોવા છતાંય ગાડીના ડ્રાઈવર હોઈએ એવી ફીલિંગ આવે. અને સરસ મજાનાં સવારના પહોરમાં ભગવાનની ભક્ત, પૂજા પાઠ કરીને નીકળ્યા હોઈએ અને ટ્રાફિકમાં જો આગળ કોઈ રીક્ષા બંધ પડી તો પૂજા ભૂલી ને મોઢે જે સરસ્વતી આવે એ ગાડીમાં આપણે જ બોલીએ અને આપણે જ સાંભળીએ. અને આખા દિવસની વાટ ...

  મિત્રો,  ઘણા વખતે પાછો એક બ્લોગ લખવાનો વિચાર આવ્યો અને આખરે આજે એ વિચારને અમલમાં મુકવાનું મન થયું, જો કે ગયા અઠવાડિયામાં ઘણાં નહિ પણ થોડાક  મિત્રોએ પૂછ્યું ખરું કે ભાઈ બ્લોગ ને કેમ વિરામ આપ્યો છે તો મેં કહ્યું મગજને થોડોક આરામ આપ્યો છે, અને આખરે આજે વિચાર આવ્યો કે વિચાર વિષે જ વિસ્તારથી વિચાર માંડીએ.  એક વિચાર સાલા આદમી કો ક્યા સે ક્યા બના  દેતા હૈ, માણસનાં મગજમાં વિચાર તો અનેક જન્મે પણ ક્યા વિચારને પ્રાધાન્ય આપવું એ આપણી સમજણ શક્તિ પર નિર્ભર છે, શાંત મગજનો માનવી વિચારોને લીધે અશાંત બની શકે છે અને અશાંત મગજનો માનવી તો વિચારોનો જ ગુલામ ગણાય કેમકે એને જે વિચાર આવે એના પરિણામનો વિચાર કર્યા વગર જ એ અમલમાં મૂકી દે અને ક્યારેક બેટ પર બોલ બરાબર બેઠો તો સિક્સર નહિ તો ક્લીન બોલ્ડ, હમણાં કપિલશર્મા શો માં સલમાન નાં પપ્પા સલીમ સાહેબ આવેલા એમણે એક સરસ વાત કહી હતી કે "વક્ત ચાલતા હૈ તો જહાં બેટ ઘુમાઓ વહાં બોલ પડતી હૈ ઔર વક્ત બુરા હો તો બેટ સહી ઘુમાઓ તો ભી બોલ ક્લીન બોલ્ડ કર દેતી હૈ." આવું જ વિચારોનું છે એના ઉપર જો માણસનો કાબુ રહ્યો તો સારું, પણ જો માણસ વિચારોનો ગુલામ બન્યો ત...

મિત્રો, માંડ માંડ બધું સરસ ચાલવા માંડ્યું હતું ત્યાં ફરી કોરોનાં એ માથું ઉચક્યું, આપણી દિવાળી આવીને ગઈ હવે કોરોના દિવાળી ઉજવવાના મુડ માં લાગે છે, ગુજરાતમાં તો એણે  સરકારને કામેય લગાડી દીધાં, અને રૂપાણી સાહેબે અમદાવાદમાં રાતનો કર્ફ્યું જાહેર કરવો પડ્યો, ધીરે ધીરે આખા ગુજરાતમાં આનો અમલ થવા માંડ્યો અને લોકો જે કોરોનાને કાકા મામાનો દીકરો સમજી બિન્દાસ માસ્ક વગર ફરતાં હતા એ બધાં ફરી મોઢે માસ્ક લગાડી ફરવા માંડ્યા, કોરોનાની સોશ્યલ મીડિયા પર બધાએ જે  મજાક કરી એનું કોરોનાને ખોટું લાગી ગયું.  હવે મહારાષ્ટ્રની વાત, ગુજરાત અને રાજસ્થાનનાં આંકડા જોઈ સરકાર પણ અવઢવમાં છે કે હવે આપણે શું કરવું ? દશેરા,દિવાળી,કાળીચૌદશ,ધનતેરસનાં કોરોના રજા ઉપર લાગ્યો પણ અચાનક એની રજા પૂરી થઇ, મહારાષ્ટ્રમાં  આવતા ત્રણ ચાર દિવસમાં નવા કાયદા આવે તો નવાઈ નહિ, ગુજરાતની જેમ અમુક વિસ્તારોમાં રાત્રે કર્ફ્યું લાગુ પડી શકે, પણ જ્યાં લોકોને રાત્રે ૩ વાગ્યે પાઉભાજી અને સવારે ૪ વાગ્યે કટિંગ અને બનમસ્કા ખાવાની આદત છે એ નારાજ થશે, આપણી સરકારને દરેક મુંબઈકરની ચિંતા છે. માંડ માંડ મુંબઈ પાટે ચઢતું હતું ત્યાં કોરોનાંએ પા...