Samje te Samajdaar

  મિત્રો, અમુક વાતનો અંત ન હોય જેમકે સુશાંત. પોતે શાંત થઈ ગયો પણ ઘણાંને અશાંત કરી ગયો. સી.બી.આઈ અને મુંબઈ પોલીસ વચ્ચે   વાત થાય અને સી.બી.આઈ મુંબઈ પોલીસ ને પૂછે કે આ ન્યુઝવાળા જેટલું બતાડે છે એટલું તો અમનેય નથી ખબર..મુંબઈ પોલીસનો પણ આ જ જવાબ મળે ભાઈ અમનેય નથી ખબર..કોણ જાણે ક્યાં ક્યાંથી ન્યુઝવાળા ખબર શોધી લાવ છે. સુશાંતનાં સમાચાર જોઈ જોઈને એવું લાગે છે કે ભારતમાં બીજી કોઈ સમસ્યા જ નથી, ભગવાન સુશાંત કેસ નો જલ્દી ન્યાય કરે અને અપરાધીને સજા કરે, કોરોના પણ કોક ખૂણામાં બેઠો બેઠો વિચારતો હશે કે "ઈ સસુરા સુશાંત કૌન હૈ..? જો હમસે જ્યાદા ફેમસ હૈ.." સમાચાર ચેનલની ધીંગામસ્તી જોઈ ને ઈશ્વરને પ્રાર્થના કરવાની ઈચ્છા થાય કે આ શ્રાદ્ધ પક્ષ માં સુશાંતનો આત્મા કોઈના ખોળીયામાં આવે અને જે સાચી વાત છે એ કહી જાય એટલે પત્યું. [ અમુક સમાજમાં ખરેખર પરિવારનાં સભ્યમાં ગુજરી ગયેલા વડિલ પિતૃનો આત્મા બોલાવી એમની અંતિમ ઈચ્છા પૂછવાના આજેય પ્રયોગ થાય છે ] ભય સાથે નિર્ભય હોવાની એક્ટિંગ કરતા લોકો ડર સાથે નીડર બની બ્હાર તો નીકળતા થયા પણ એમના મનમાંથી કોરોનાનો ભય ગયો નથી. અને કોરોના હજુ કેટલી દિવાળી કરીને જશે

  મિત્રો , રૂપિયા હશે તો બધું મળશે એના વગર કઈ નહિ થાય. દોસ્ત રૂપિયા કમાઓ એ જ ભગવાન છે. રૂપિયા તો હાથનો મેલ છે પણ એ મેલ જ કામ આવે છે ભાઈ. તારી પાસે રૂપિયા હશે તો બધા દોડીને આવશે. આવી અનેક લાઈનો મેં જીવનમાં સાંભળી, લખી અને આજેય લખું છું..વાત સાચી જ છે કે રૂપિયા કામ આવે છે રૂપિયાથી કામ થાય રૂપિયાથી નામ થાય રૂપિયા હોય તો જોઈતું બધું જ...યસ..બધું જ મળી જાય..પણ શું ખરેખર રૂપિયા જ કામ આવે છે ? મારો અનુભવ કહે છે કે રૂપિયા સિવાય સંબધ પણ કામ આવે છે. આ લોકડાઉન સમયમાં અનેક લોકોને બિલોરી કાંચ વગર નજીકથી જોયા.કરોડપતિને કોરોના થયો અને લાખો રૂપિયા આપ્યા છતાંય એના ફોટા ને હાર ચઢી ગયો. નોટબંધી પહેલા ઘણાં લોકો પાસે રૂપિયા હતા..જે નોટબંધી બાદ કાગળિયાં થઇ ગયા.   આમ તો રૂપિયા કલર ફૂલ છે, આપણા ખિસ્સામાં કે ઘરમાં જ ગુલાબી,પીળી કે બ્લ્યુ રંગની નોટો પડી હશે જ પણ સરકારે રૂપિયાના ભલે રંગબેરંગી છાપ્યા પણ એમણે જ રૂપિયાના બે રંગ જાહેર કર્યા છે કાળો અને સફેદ. [ કાલા ધન સફેદ ધન ] જે ધનધનાધન ભેગું કરવામાં જ બધા પડ્યા છે. એ રૂપિયા કયા રસ્તે આવે છે એ વાત જવા દ્યો..અને આમેય ભગવાન ને એનો ભાગ આપીએ તો આપણા પાપ ધો

  મિત્રો, રાજ્યસ્તરની નાટ્ય પ્રતિયોગીતા અને અનેક સીરીયલ નાટકો કરી ચુકેલા મારા એક મિત્રએ મને કહ્યું યાર મારે ફેમસ થવું છે પણ મને નથી આવડતું..કેટલાય ઓડીશન આપ્યા કેટલી ઓફિસમાં ફર્યો પણ નંબર જ નથી લાગતો...નર્વસ થઈને બોલ્યો..હું બહુ ભણેલો નથી ને..મેં કહ્યું યાર એમાં ભણતર ની વાત જ નથી તારામાં ટેલેન્ટ છે તો તારે તારું માર્કેટિંગ કરવું જ જોઈએ..મિત્ર કહે યાર મારું માર્કેટિંગ..? વાત વિચારવા જેવી હતી માણસે પોતાનું જ માર્કેટિંગ કરવાનું. મેં કહ્યું હા..કલાકારે પોતાનું જ માર્કેટિંગ કરવું પડે.   મિત્રો આજના જમાનામાં માર્કેટિંગ મસ્ટ થઇ ગયું છે જો તમે કોઈ પ્રોડક્ટ વેચતા હો એને બજારમાં પાપા પગલી કરતી એન્ટર કરાવી ચાલતી કરીને દોડતી કરવા માટે માર્કેટિંગ ખુબ જ જરૂરી છે. અને પ્રોડક્ટની ક્વોલીટી મેઇન્ટેઇન રાખવી તે અલગ. અને એમાય તમે જાતે જ એક પ્રોડક્ટ હો તો તો તમારે તમારું માર્કેટિંગ કરવાના કોઈ નોખા અનોખા રસ્તા અપનાવવા પડે, કોઈ રાખી સાવંતનાં રસ્તે ચાલે તો કોઈ કંગનાનાં રસ્તે. જો કોઈ મોટા માણસનું ફરજંદ હોય તો એને ધર્મા પ્રોડક્શન જેવા બેનર ઘરમાં બેસવા ન દે. સરસ રીતે લોન્ચ કરે. પણ જેને કોઈ ઓળખતું જ ન હોય..ઓળખ ઉભી

  મિત્રો, આપણે સૌ આ જગતમાં આવ્યા ત્યારથી સંઘર્ષમાં જીંદગીની પળ વિતાવી રહ્યા છીએ, કોઈ પોતાનું સ્થાન બનાવવાનો સંઘર્ષ કરે છે તો કોઈને પોતાનું સ્થાન ટકાવી રાખવાનો સંઘર્ષ કરે છે. જો કોઈ જીતી જાય તો જિંદગી જલસાઘર બની જાય અને જો હારી જય તો જીંદગી ખારી બની જાય. અને બધા સાથેનો વ્યવહાર બદલાઈ જાય. પણ આવા સમયમાં પણ સ્વભાવ પર કાબુ અથવા સ્વભાવનું મેનેજમેન્ટ કરવું બહુ જ મોટી વાત છે. આપણી જિંદગીમાં અનેક વ્યક્તિઓ આવે અને જતી રહે મિત્રો,સ્કુલ કોલેજના દોસ્તો, શિક્ષકો,શેરી ગલ્લીનાં મિત્રો, જુના પાડોશીઓ, શુભ અશુભ પ્રસંગે મળતા લોકો એ બધામાંથી અમુક અત્યારે પણ મનમાં સચવાયેલા હોય અથવા અમુક મગજમાંથી ખોવાઈ ગયા હોય. ઘણા પુસ્તકો કે ફિલ્મોની વાતો આજે પણ મન મગજમાં હાવી હોય અથવા ઘણી વાતો જોઈ,જાણીને ભુલાઈ ગઈ હોય. આ બધાનું કારણ છે આપણો વ્યવહાર આપણે કઈ વસ્તુ કે વ્યક્તિ સાથે કેવો સંબંધ રાખીએ છીએ કે ઈચ્છીએ છીએ. કોઈ વ્યક્તિ ગમી જાય તો આજીવન એ ન ભૂલાય અને કોઈ સાથે માત્ર કામ પુરતું જ કામ હોય. કામ પત્યું કે બાય બાય..સી યુ. એક્ચ્યુલી તમારા સ્વભાવની તમારા કામકાજ અને જીવનમાં અસર તો થાય જ છે. પેલી કહેવત છે ને કે માણસ હવામ